ẹ̀tọ́ọ̀ mi láti ní oun ìní

Lábẹ́ ọ̀rọ̀ òfin yìí, gbogbo ọmọ Nàìjíríà ni ó ní ẹ̀tọ́ láti rà tàbí ní dúkíà tó wà ní ojú kan àti èyí tó ṣe múrìn káàkiri ní Nàìjíríà.

(44) (1) kòsí ẹni tó gbọ́dọ̀ fi ipá gba dúkíà ẹnikẹ́ni tó wà lójúkan tàbí tí o ń rìn láìṣẹ̀ nípa ọ̀nà tí òfin là kalẹ̀ ní Nàìjíríà wọ̀nyí-

(a) sísan ní kíákíá owó ìtẹ̀lọ́rùn fún ẹni tí ó ní dúkíà; àti

(b) fífún ẹni tó ní dúkíà ní àyè láti ṣe òdinwọ̀n iye owó tó yẹ kó gbà ní ilé ẹjọ tàbí ìgbìmọ̀ ìdajọ́ ní àgbègbè náà ní orílẹ̀ èdè Nàìjíríà.

(2) kòsí ohun kankan ní apá kékeré àkọkọ́ (1) òfin yìí tí a lè túmọ̀ láti yẹ̀yẹ́ òfin míìràn-

(a) nípa pé kí ènìyàn san owó orí tàbí owó míìràn àti ojúṣe rẹ̀;

(b) fún dídá sèríà tàbí gbígba dúkíà ẹni fún títẹ òfin lójú bójẹ́ ti ará ìlú tàbí fún ti ìjẹbi ẹ̀sùn;

(d) tó fara pẹ́ fífún ni ní ògùn ẹni tàbí tó jẹ gbèsè àti ti ilé iṣẹ́ tó ń kógbá wọlé;

(e) tó fara pẹ́ àmuṣẹ ìdájọ́ ilé ẹjọ́;

(f) gbígba dúkíà tó wà ní ipò ìjàm̀bá tàbí tó lè mú ìjàm̀bá bá ìlera àwọn ènìyàn, ọ̀gbìn àti ẹranko,

(g) tó níṣe pẹ̀lú dúkíà;

(h) tó níṣe pẹ̀lú Asojú;

(i) tó níṣe pẹ̀lú àwọn ìdáwọ́ dúró;

(j) tó níṣe pẹ̀lú dúkíà tó ilé iṣẹ́ tó dá dúró ní ti wọ́n dásílẹ̀ lábẹ́ òfin Nàìjíríà.

(k) tó níṣe pẹ̀lú gbígba dúkíà ní ìwọnba ìgbà ràm̀pẹ́ nípasẹ̀ ṣíṣe àyẹ̀wò, ìwádìí tàbí ìbéérè;

(i) tó níṣe pẹ̀lú ṣiṣe iṣẹ́ lórí ilé fún àbò ilẹ̀ (soil); tàbí

(m) fún ní sísan owó gbà má binú láì fi àsìkò ṣòfò sí bíba ilẹ̀ jẹ́, igi olówó iyebíye tàbí ọ̀gbìn, gbígba ìjọba tàbí ẹnikẹ́ni láyè láti wólé, gbélé, tàbí gbíngbìn, kíkó, ríri òpó, wàyá, páìpù, tàbí ohun míìràn sórí ilẹ̀ láti ṣe tàbí kó ọjà epo, omi, kóótà, ìṣe ìbára ẹnisọrọ̀ tàbí ohun amáyédẹrùn.

(3) bí òfin yìí ti sọ, gbogbo dúkíà àti ìṣàkóso gbogbo àlùmọ́nì, àlùmọ́nì epo, gáásì, tó wà lóri ilẹ̀ tàbí abẹ́ ilẹ̀, tàbí lórí omi tàbí abẹ́ omi tó wà ní àgbègbè ọ̀rọ̀ ajé orílẹ̀ èdè Nàìjíríà ni yóò jẹ́ ti ìjọba Nàìjíríà tí ìsàkoso rẹ̀ yóò jẹ́ bí àlàkalẹ̀ ilé ìgbìmọ̀ Aṣòfin Àpapọ̀ ti wí.

ẹ̀tọ́ọ̀ mi láti ní oun ìní

KnowYourRights

Contact Details

Links

CRALI